فلســفة حمــار :)

عجبي عليك يا بني ادم يا كبير الدار

قومت الدنيا و ما قعدت لمـا قالو حمار

هو اسمي شتيمة ولا جنسي ده عار

خلقني ربي و خلقك ولا حدش له خيار

وانا مهما زاد الحمل فوقي صابر على المشوار

لا في يوم اقول شمعنا اخوية و اخد منه تار

ولا يوم ابص لرزق غيري و اطق منه و اغار

ولا في يوم ارفع عيني على جارتي و اصون الجار

ولا مهر ادفع لحمارتي ولا شبكة و سوار

ولا شقة اجمع في تمنها ولا اجهز دار

ولا حرمي حامل تتوحم عايزة الكافيار

ولا بنت تخرج عن طوعي و تجيب العار

ولا ابن يدمن و يهلوس ويقع ... ينهار

عايــش في حالي متهني وليــه افكار؟

باكل و بشرب و انهق و مافيش اسرار

و عندي ابن ادم يخدمني ليل و نهــار

ان جعت يشتري برسيمي بأغلى الاسعار

و في مرضي يفضل يعالجني و يدعي الستــار

خادم اميــن من غير راتب ولا حتى ايجار

دلوقتي عرفت يا ابن ادم

ميــن فيــنا حمـــــــار ؟

أبدع وتألق أكثر وأكثر ..

أحسنت لا أحسنت واحدة بل أحسنت ألفاً ..

بارك الله فيك ...

تسلم يا فنان