الايمـو و الميـتـال....(1)

بسم الله الرحمن الرحيم .ابدأ

ملحوظه عريضه جدا تحتها الكثير من الخطوط :

1 - ينصح بان يكون قارئ المقاله فوق سن السادسه عشر.. +16

2 - سيكون الكلام شائك وحساس جدا..ولذالك قد يحتوي علي ما لا يعجبك..فوفر نقدك..وان
رايت ما لا يعجبك لا تكمل

3 - يا ريت النقد او الرد يكون في الموضوع لا
الكاتب

4 - هذا الكلام ينطبق علي الاتجاهات المتخذه في مصر والعالم
العربي...وليس العالمي..عشان محدش يقولي..انت مش فاهم وانت مش عارف...

5 - في فرق بين انك تسمع اغاني ميتال...وانك تتجه نفس اتجاههم..بردو عشان الناس العجيبه
الي بتنقدنا دي
__________________________

_______________________________________________________

لست عبقري اجتماع...او فنان تقارير عن الحياه
او عن الشباب....ولكني انا شخص من هذا الشباب

من هذا الجيل..الذي به العديد
من التغيرات العجيبه....

وكل ما اقوله هو وجهه نظري لما رأيته واراه كل يوم
من شباب جيلي

وليكن الكلام مرسل بالعاميه لتوصيل الفكره بصوره سلسه
اكثر

لو انت قاعد كده ...او بتتمشي مثلا في سيتي ستارز كده يوم الخميس
الساعه سبعه بليل

وتاملت....هتلاقي شباب كتير مطول شعره ..وعامل ستايل الناس
" الايمو " ..

وبنات ملونه خمستاشر خصله من شعرها..بالوان عجيبه..والكحل تحت
عنيها..والمونيكير الاسود " ايمو بردو "

وشباب تاني ..لابس الاسود والدقن
والشعر والكاب العجيب والجماجم مغرقه كل حته.." ميتال "

و و و

مسالتش نفسك كده .....الناس دي عامله كده ليه ؟؟؟؟ الناس دي لابسه كده ليه
؟؟؟؟؟ الناس دي ليه ؟؟؟؟؟

سؤال تردد علي ذهني كتير.....لا كتير فحت

ليه ؟؟؟؟؟؟؟...

لغايه اما حصلت علي الاجابه من خلال رصدي
ليهم

بص بقي يا سيدي :

في مجتمعنا الشرقي ..ومنذ القدم حتي
الان...هناك نقطه ..الاختلاط وعدم الاختلاط...

ممكن نقول كنا ممكن نسيطر
علي الموضوع زمان....ايام الحج والحجه...والسنه الخمسين

كانت الدنيا ملمومه
وكله فله شمعه منوره....والبت تقعد والبت متلبسش و و و

تعالي للزمن ده
.....بصراحه (( انا لا اعيب )) الاختلاط..ولا بطالب بمنعه....لاني مش هضحك علي نفسي

او اتكلم الكلام المثالي..الي الكل يحتذي بيه......الاختلاط استحاله من
المستحيلات انك تفصله

واحد يسالني ليه......اقوله انا ليه

1 - انت عندك ليل ونهار علي التلفزيون MBC MaX - Fox Movies وغيرها من قنوات الافلام
الاجنبي

بتبين الاختلاط لدي الغرب شيء عادي....وده الي ترسخ في عقول الجميع
شباب وكبار وصغار

واصبحت وجهه النظر تختلف لنظره الاختلاط ..

2 - طلبات اي شاب المطلب الاول (((((((اظبط)))))))) بنت ...باللفظ ده وانا
اقصده

حيث ان التظبيط : هي كلمه من قاموس الشباب الحالي..بمعني المصاحبه
..والصداقه التي يسودها الحميميه

( وانا ارفض هذا لدوافع دينيه)

ولكن ملحوظه : انا ( الكاتب ) مبرفضش الصداقه البريئه...بس واحد هيقولي
:.انت هتحور ..مفيش صداقه بريئه

بتبقي بريئه في الاول ...وبعدين بتبقي متهمه

انا هقوله : ده بيتوقف علي الشخص....اذا انت بتصادق فعلا ..ولا
بتستهبل

ونرجع ونقول ..انا مبرفضهاش ليه عشان وجهه نظرها للاختلاط اختلفت
تماما

3 - من المتعارف عليه .. ( ولو انه مشكوك فيه ) ان الانثي هي الكائن
الرقيق الجميل..الذي يخفف عنك مشاكلك و و و و و و...لذالك يطالب الشباب بهذا
الكائن

...كفايه لغايه هنا

نيجي بقي لبتوع الايمو والميتال
والخوازيق

طبعا مفيش عبده خوازيق..ولكن هي سخريه بحته....وهقولكم سخريه ليه
فيما بعد

----------------------------

ناقشنا فوق نظريه الاختلاط..

بالنسبه بقي
لنظريه الايمو والميتال

بتنقسم لقسمين

القسم الاول : الاستهبال التعبطي المناكف

الشاب المصري المسكين لو مثلا مدخلش مدرسه مشتركه ..او ملوش
تعاملات مع البنات

بيبقي هرمون الدافع مسؤول (( التظبيط )) بيرتفع عنده
..وبيبقي عايز يتصرف فورا

بس ميعرفش هيتصرف ازاي......واعرف بنات منين
.......و.اعمل فين منين

يقوم مطولك شعره...وعاملك (( ستايل )) الايمو
...وهما بياخدوها كشكل رائع علي فكره

الي هوا اي حاجه من بره تبقي فله شمعه
منوره ....وده ستايل بتاع بره ..يبقي فله شمعه منوره علي راي عمرو اديب

ويخش
للجماعه بتوع الايمو.....هاي يا جماعه انا ايمو.....الجماعه : هاي يا ايمو احنا
جماعه

ويخش للبنت الي في الجماعه...: ايه ده هاي انتي ايمو ....يااه تصدقي
انا كمان ايمو

خد عندك الميتال وخد عندك الي انت عايزه

وديما
الجماعات دول واخدين علي بعض جامد...بحيث ان الواد يعمل الي هوا عايزه مع البنت
....وايزي يا جماعه احنا ايمو يعني...

ويبقي الاتنين بيستهبلوا والاتنين
عارفين انهم بيستهبلوا ...وايزي يعني ..(( احنا ايمو ))

وهذا المتجه الاول

القسم الثاني : الانعزال والتربيه المنيله بنيله

لا اعيب عيب
تاما علي الشباب......لا واهاليهم كمان

القسم الثاني وهو نادر - في مجتمعنا
احنا ...انما بره هو اصل فكره الايمو والميتال اصلا -

الشباب الي بيجد نفسه
في عزله ..من اهله ....بابا في الشغل مع محسن بيه وعبد الحميد بيه

ومامي في
الجمعيه الخضره للنساء الحمر ..مع ابله مديحه وتنت باكينام

والواد بيطلع
مشتت ...ومش حاسس بقيمته ..ومش حاسس باي حاجه

فاخش للجماعه ..وصحابي واحنا
ايد واحده

يبتدي يحس بانتمائه لاشخاص ......ضيف علي كده ..انه ممكن يتعرف
ويصاحب ويلعبوا مع بعض وينكش وايزي بردو احنا ايمو :S

---------------------------

اذا فهي ظاهره ..عايزه حل ..جذري...الحل الثاني
معروف..عن الاهالي

فقط فقط ( احتووا ابنائكم ) الاحتواء هو الي يمنعه من
انه يفكر هذا التفكير

غير ان هناك عيب بردو علي الشاب.......ان انت عندك عقل
تفكر بيه ..منتاش ماشي ببنزنين اتنين وتسعين

انما انا حاولت ان اجد حل
للقسم الاولاني ..والي هوا ناتج عن مشكله الاختلاط

طبقا لديننا
ودوافعنا.....مينفعش نفتح الاختلاط بحري..........ومينفعش نقفله بردو

السؤال
الذي سأظل افكر فيه ..وان وجدت اجابه سآتي لكم بها بالفور

كيف نقنن الاختلاط
...بحيث لا يحسس الشباب بالنقص...ولا يفتحها بحري

ومتحاولش لانك هتتعب
نفسك.....انك تنهيه من اساسه....

لو حاولت نتهيه...او حتي الشب والشابه
محافظين علي نفسهم

هيفضل يتقال بقي..ده معقد ....ودي معقده ...ودول منيلين
بنيله

وما الي ذالك

المشكله التي لم اعرف حلها بعد

ادعوا
الله ان يلهمني علي حلها

و يا ريــت تعرفو انا بقالي فترة مبتدخلش ليــه

علشان كنت عاوز ارجع بموضوع واقعي بيحصل و نحاول نلاقي ليه حل مع بعض

و ليه لأ

و ان شاء الله ناوي لو اتاحت لية فرصة اني اعمل من الموضوع ده جزء تاني ان شاء الله هعمل

[ندعوك للتسجيل في المنتدى أو التعريف بنفسك لمعاينة هذا الرابط]

الصراحة من أول وهلة .... من أول ما جابهم الأستاذ (وائل الإبراشي ) في برنامج الحقيقة وأنا كنت ضدهم بكل المقاييس ...

وبعد الصراحة ما قرأت هذا الموضوع أنا أزيد وأكرر ... أنا ضدهم تماماً ...

دول ناس والله من غير عقل ....

شباب أرجو من الجميع التعليق على هذا الموضوع فهو حقاً مهم ...

تسلم يا مشرفنا الغالي... الله لا يحرمنا من إبداعاتك ...

تم التثبيت ...

الله الله الله ... ايه الإبداع ده ... شكرا يا فنان ...

أما أنا الصراحة كنت في البداية عجبوني شويه يعني لما سمعت عنهم قعد أدور وأبحث عنهم وكنت معجبه بيهم شوية ...

اكن الصرحة لما فكرت شوية كان ليه نفس رد مديرنا الغالي ... بجد أنكرتهم ... نا من غير عقل ...

شكرا جزيلا لك أخي ..

رائع,,, موضوع شملهم بجد ... وإن كانوا غير موجودون عندنا .. لكن أنا أعرفهم ,,,

شكرا ليك يا مبدع

» الايمـو و الميـتـال....(2)