اوعــى تهيــس وتقـول الريــس

بلغني أيها الملك حسحس
ذو العقل المفسفس
والمخ المهيس
إن الملك اياه
اجتمع مع ولداه
واحد جميل جمال
ماعندهوش محال
هايورث البلاد
واتمهد له المهاد
والتاني سندباد
أو قول علاء الدين
مالهوش في الحكم لكن
هايورث الملايين
الواد جميل جمال
بدأ الحوار وقال
الواحد فكره تاه
المال وقلبناه
الحكم وكمرناه
الدين وضيعناه
شبابنا وشحورناه
والشعب بتاعنا يغني
يا حلولي واخترناه
رد وقال اخوه
اللي انتوا ما تعرفوه
إن الناس كرهانا
وتاريخنا بيلعنوه
واللي بيهتف لينا
يا إما يا ناس معتوه
يخلي البحر طحينة
والسح ادح امبو
رد وقال باباهم
يا ولادي يا حلوين
أنا نفسي اكون وياهم
ملوخية على ياسمين
وكل ما احاول اصلي
وابطل اسرق فيهم
الاقي المفتي قال لي
سيبك يا كبير وريهم
أنا راح اصلي بدالك
بس انت اكنز لعيالك
ما دام قلبك نضيف
وسيدي احمد نظيف
هاتدخل أحلى جنة
من غير فروض ولا سنة
بس انت بس لاغيني
بأي حاجة في رغيف

الله الله الله يا فنان ابدع ومن غير حرج ...

قلمك بدأ بالإزدهار وتلألأ إسمك في السماء ..

أحسنت وأبدعت ..

تسلم يا غالي ..

شكرا ليك يا فنان ...

تميزك بدأ يظهر ,,,

فنان والله ...

D A M O كتب:: الله الله الله يا فنان ابدع ومن غير حرج ...

قلمك بدأ بالإزدهار وتلألأ إسمك في السماء ..

أحسنت وأبدعت ..

تسلم يا غالي ..

أبدع ابدع ما انا اللي هتجاب في الاخر هههههههههههههــ

تسلملي يا جميل ربنا يخليك يا باشااااااا

احسنت و ابدعت انا مش اد الكلاام ده يا حبيب قلبي

تسلملي يا باشااااا منور مواضيعي على طول

Ms.Flower كتب:: شكرا ليك يا فنان ...

تميزك بدأ يظهر ,,,

فنان والله ...

و الله ولا فنااان ولا حاجة و انا اجي ايه جمبكم

تميزك بدأ يظهر

ههههههههههههه فيــن التميز ده هو انتو لسة شوفتو حــاجة

ربنا يخليكي يا رب و تفضلي منورانا على طول

» شويـــة تهيــس